Welatî û Kurdistaniyên hêja
Sê sal berî niha di Newroza 2021an de, saziya Kurdşopê wek saziyek serbixwe ji bo parastina ziman, dîrok, çand û kevneşopiya Kurdî, bi hewla hejmarek ji çalakvanên sivîl, zimanzan û nivîskarên Kurd hate damezrandin.
Kurdşopê di sê salên xebata xwe de hewl daye bibe deng û rengê hemû Kurdan li seranserê Kurdistanê û bê cudahî li hemû beşên Kurdistanê binêre û dîrok, erdnîgarî, huner, ziman, wêje, çand û kelepûra navçeyên cuda yên Kurdistanê bi xelkê Kurdistanê bide nasandin.
Di wan sê salan de me bi damezrandina malper û du appliacation û heft platforman di torên civakî de karî bi sedan gotarên nû û kêrhatî parve bikin û zêdetir ji sêsed bernameyên vîdyoyî berhem bînin ku bi awayê rêze bername li ser Youtube a Kurdşopê hatin weşandin.
Her wiha bi ragihandina Xelata Salane ya Zara ya ji bo xizmeta zimanê Kurdî di sala 2022an de, ev xelat pêşkêşî Saziya Vejîn ya Rojhilatê Kurdistanê hat kirin û me di sala 2023an de jî xelat pêşkêşî nivîskara jin ya Rojavayê Kurdistanê Emîne Emer kir.
Kurdşopê kariye torek ji nivîskarên Kurd bo nivîsîn û lekolîn li ser hemû warên jiyana xelkê Kurdistanê pêk bîne û encama wê hewldanê jî weşandina bi sedan gotarên kêrhatû di malpera Kurdşopê de ku zêdetirî wan gotaran li ser wan mijaran hatine nivîsîn ku berî niha kêmtir hatine dîtin û nîqaş kirin.
Di Sêyemîn salvegera damezrandina Kurdşopê, em pîrozbahiyê li hemû xelkê Kurdistanê û endam û hevkarên dilsoz yên Kurdşopê dikin û dixwazin bi alîkariya we erkên xwe yên xizmetkirina Kurd û Kurdistanê berdewam bikin.
Saziya KURDŞOPê
Newroza 2024
