Hevnîştimanî û xelkê têniyên rizgariya Kurdistanê
Newroz ji dîroka kevnar ve heya îro ji bo netewea Kurd hilkeftek nîştimanî û hilgirê wateya rizgariyê ye. Lewma niha jî, di rewşa dagîrkirî ya Kurdistanê de, nabe ev hilkefte tenê wek hilkefteke asayî bê dîtin; Belkî divê bibe qadek ku Kurdistanî tê de hêz, îrade, hebûn û nasnameya xwe û dagîrkeriya welatê xwe nîşan bidin.
Hevgirtin, yekîtî û xwedîderketina civaka Kurdistanê di helkefteke wek Newrozê de, dikare qadekê ji têkoşîna girseyî ya li dijî dagîrkeran nîşan bide. Bi wê wateyê ku civak di arastekirin û derketinek bi kom de dibe sedema wê ku bi hêz û bandoreke rasterast li hemberî dagîrkerên Kurdistanê raweste û nîşan bide ew rewşa ku tê de ye, rewşeke sepandî û dagîrkarî ye û divê ji vê rewşê bê rizagarkirin.
Divê civaka Kurdistanê di Newrozê de ji xeynî hindê ku li şahî û govendê bifikire, li ser çawaniya afirandina qada têkoşînê jî bixebite. Qadek ku yeketiya civakê, rizgarî û serweriya netewe û nîştiman tê de armanca sereke be, ji bo ku wê peyamê bigînine dagîrkeran ku Kurdistanî dê ji çepera nîştimanê ve rûbirûyê wan bibin. Çeperek ku bi jiyan û çarenivîsa wan ve tevlihev e.
Her çiqasî ku di vê qonaxê de rewşa Kurdistanê zêde guncaw nîne û curek ji hevdestiyek li dijî tevgera rizgarîxwazî ya Kurdistanê di holê de ye û dagîrker hewl didin Kurdan bêhêvî û parçe bikin, lê hilkeftek wek Newrozê dikare li hember vê rewşê derkeve û nîşanî dagîrkerên Kurdistanê bide ku tevgera rizgarîxwazî ya Kurdistanê hîn li ser piyan e û xewna xwe ya mezin ya rizgarî û yekîtiya nîştimanê wunda nekiriye.
Lewma jî em daxwazê ji hevnîştimaniyan dikin ku bo Newroza îsal bi hêmayek wek meşxel û bi avêtina “Gulwenî” bo ser milê xwe, yekîtî û hêza xwe nîşanî dagîrker û cîhanê bidin.
Em daxwazê ji Kurdistaniyan dikin ku di êvareya Newrozê de bi hilgirtina meşxelan yekîtiya xwe nîşan bidin û Newroza îsal jî wekî “Newroza Meşxlên Rizgariyê” bi nav bikin û di çarçoveyek hêmayîn de îradeya xwe nîşan bidin.
Saziya KURDŞOPê
2024/03/06
