#	ناو	مانا
801	زەنگیانە	مووروویەکی وردی رەنگاوڕەنگە.
802	زەنوورا	1. زەنوورە، زەنیرا، نێوێکی زازاکییە واتە: بنەهێشووی خورما؛ 2. نێوی گوندێکە لەبانلەیلاخ لە رۆژهەڵاتی کوردستان.
803	زەها	1. بیچووهێنان؛ 2. هەوەڵشیری دایک، ژەک.
804	زەورا	نێوی گوندێک بووە لە ناوچەی کووت لە خوارووی باشوری کوردستان، لە نزیک گوندی کوردنشینی (بەغداد)، کە کوردی فەیلی تێدا ژیاوە، بەلأم کوردەکەیان لێ دەرکردووە و کردوویانە بە عەرەبنشین.
805	زەوەن	1. زەبەن، زەمەن، زۆر، فرە؛ 2. سوانە، گوێسوانە، پاسار، کەڵکەپاسار، لێوارەی بان؛ 3. زەوینی پڕگیا و لەوەڕ.
806	زەڕگوڵ	گوڵی وێنەی زەڕ، گوڵی زێڕین.
807	زەڕنیشان	زێڕنیشان، بە زێڕ نیشانە کراو، وێنەی زێڕ.
808	زەڕوەش	بە زاراوەی زازاکی واتە: دڵخۆش.
809	زەڕوەشان	زێڕەوشان، ئەو زێڕ و پووڵ و پارەیەی کە بە سەری زاوا و بووکیدا رۆ دەکەن.
810	زەڕیلە	باڵندەیەکی گچکەی رەنگزەردە.