#	ناو	مانا
751	زارا	1. نێوێکی کۆنی کوردییە کە واتای کەو یان ژەرەژ دەدا؛ 2. نێوی شارۆچکەیەکە لە باکووری کوردستان لە سەر رێگای سێواس بۆ ئەرزنجان؛ 3. بۆ ئاگاداری نێوی سارا و زارا هەر یەکێکە و عەرەب وشەی (زارا)ی گۆڕیوە بۆ (سارا)؛ 4. سارا یان زارا هەروەسا نێوی کێوێکە لە ناوچەی سلێمانی لەلای چیای ئەژدەهاک کە لە نێوان شاری دووکان و شارۆچکەی سوورداش هەڵکەوتووە.
752	زارگوڵ	دەمی وێنەی گوڵ، ئاماژە بە ئینسانی گفت و لفت شیرین.
753	زارگەش	قسەخۆش و رووخۆش.
754	زارین	گریان بە دەنگی بەرز.
755	زارێ	نێوی درووستکراوە، لەوانەیە لە وشەی (زار) کە واتای دەم دەدا، یان لە وشەی زارا وەرگیرابێ.
756	زازێ	شەرمن، کەمدوێ، کەمقسە.
757	زاناڤ	وەکوو یەک، لەیەکچوو، وێکچوو.
758	زاویتە	1. نێوی دۆڵ و شارۆچکەیەکە لە بادینان لە کوردستانی ئێراق؛ 2. بای ساردی رۆژەڵات.
759	زاوە	نێوی ئەستێرەیەکە.
760	زاوەرە	1. زاڕۆک، رۆڵە؛ 2. زاوەر، بوێری.