| 51 |
تەفرە |
وەدواخستن و خەڵەتاندن، خاپاندن. |
| 52 |
تەلان |
1. تەڵان، بەندەن، بەرزایی کێو، پلەی شاخ و کێو و هەرد؛ 2. بەو عەرزەی دەگوترێ کە خاکی بۆ دێنن و دەیکەن بە باخچە بۆ چاندن. لە کۆندا لە هەورامان کە خاکی کەمە، بە کۆڵ خاکیان دەهێنا و لە بنەبەرداندا کە تۆزێ تەخت و بڵاو بوایە رۆیان دەکرد و وەکوو باخچە تەختیان دەکرد و سەوزەیان تێدا دەچاند؛ 3. نێوی گوندێکە لە بەرانبەر شاری دووکان لە باشووری کوردستان. |
| 53 |
تەلێ |
زێڕ، تەڵا، کورتکراوەی نێوی (تەلعەت). |
| 54 |
تەموورە |
تەنبوور، تەلموور، تەموور، تەمیر، تەموورە، سازێکی کۆنە کە لە دوو وشە پێکهاتووە، ئەگەر تەنبوور بێ، دەبێتە: تەن بە واتەی لەش و موور بە واتای شیوەن و زاری. ئەگەر تەلموور بێ، دەبێتە: تەل بەواتای سیم و مووریش بەواتای شین و هاور و ڕۆڕۆ. کە هەر دووکیان دوو وشەی کۆنی کوردین، کە فارسەکان کردوویانە بە تەنبوور و تەنبووریش هیچ واتا و مانایەک نادا و بگرە تەلموورە. |
| 55 |
تەنکە |
1. تەنک، ناسک، زراڤ؛ 2. مووی نەپڕ، مووی تەنک؛ 3. سەربەندی گۆرانییەکی گەلێریە. |
| 56 |
تەنیا |
تاک، بەتەنێ، تاکەکەس، تاقەشت. |
| 57 |
تەنیلە |
بەخەرەک رێسراو، وەکوو: بەرماڵ و مەوج. |
| 58 |
تەوار |
1. مێچکەی هەڵۆ، هەڵۆی مێ؛ 2. منداڵی خڕوخۆڵ و هەراش. |
| 59 |
تەوەن |
بەرد، کوچک، کەڤر. |
| 60 |
تەڕڵان |
1. جۆرێک بازی راوکەرە؛ 2. جوان و دڵڕفێن. |
