| 31 |
هەتوان |
دەرمان، مەڵهەم. |
| 32 |
هەراس |
1. پشوو، وچان، وەکوو: هەراسی لێهەڵگرتووم)؛ 2. وەڕەز، ماندوو، وەکوو: (هەراسانم)؛ 3. ترس، خۆف، وەکوو: (هیچ هەراسێکم لێ نییە). |
| 33 |
هەردی |
خەڵکی کێوپارە، چیانشین؛ بڕوانە هەردە. |
| 34 |
هەردە |
1. خوارن، خۆراک؛ 2. چۆڵ و بیاوان؛ 3. زورکان، دەشتی بەگردوولکە؛ 4. تەرە و چۆڵگەرد؛ 5. وەک، لە چەشنی، وەکوو: (هەردەجاران). |
| 35 |
هەرژین |
هەڵاهەڵابوون بە هۆی کوڵاندنەوە. (گۆشتی چی، ئەوەندە کوڵاوە، بووە بە هەرژین). |
| 36 |
هەرسین |
1. فرمێسکاویی، چاوبەگریان؛ 2. نێوی شارێکی کوردنشینە لە ناوچەی کرماشان. |
| 37 |
هەرمان |
1. هەرگیزنەفەوتان؛ 2. بە هەورامی واتە: فرمان، کار، خەبات. بۆ ئاگاداریی: فرمان واتە: کار، فەرمان: واتە، ئەمر و دەستوور. لە زاراوەی کرمانجیشدا فەرمان واتە: قەڵاچۆکردن و بەکۆمەڵکوشتن. وشەی فەرمان لە لاوکی کوردیدا یەکجار زۆرە. |
| 38 |
هەرووت |
پاژێکن لە هۆزی سوورچی لە ناوچەی هەولێر، کە یەکجار کەللەڕەق و تۆسنن. |
| 39 |
هەرکان |
1. تۆمی دانەوێڵە، دانەوێڵەی پاک و خاوێن کە هەڵیدەگرن بۆ ساڵێکی دیکە بۆ چاندن و وەشاندن. |
| 40 |
هەرکۆ |
هەرجێ، هەرکوێ. |
