#	ناو	مانا
1701	کانیاسیر	نێوی گوندێکە لە بادینان لە باشووری کوردستان.
1702	کانیان	1. کۆی کانی، کۆی سەرچاوە؛ 2. گوندێکی کوردنشینە لە ناوچەی خۆی (شاپوور) لە ڕۆژهەڵاتی کوردستان کە بە داخەوە لە سەر ئازەرباییجان دێتە ئەژمار.
1703	کانیاو	1. کانی، سەرچاوە، ئاوێ کە لە کانی دێتە دەر؛ 2. زەوینێ کە بە ئاوی کانی ئاو دەدرێ؛ 3. گیایەک کە بە ئاوی کانی ئاو بخواتەوە. (لۆکەی کانیاو). (ناسکۆڵە و بەڵەک چاوە، دەڵێی لۆکەی کانیاوە).
1704	کانیژە	1. گوڵەگەنم؛ 2. کانی بچووک. وەک چۆن دبێژین: بانیژە.
1705	کانیسک	لاسکی وشکی نیسک.
1706	کانیلان	1. دۆڵی پڕکانی، لانکەی‌ کانی؛ 2. گوندێکە لە ناوچەی هەوشار، لە ڕۆژهەڵاتی کوردستان.
1707	کانیلە	کانیلکە، کانی بچووک.
1708	کانین	کارین، کانین بە زاراوەی کرمانجی واتە: کارین، توانین، لەدەسهاتن. وەکوو: ئەز نکانم هەڕم. من ناتوانم بڕۆم. بڕوانە بۆ کارین.
1709	کانە	1. کاری دارهەڵکۆڵین؛ 2. ئامرازی دارکۆڵین.
1710	کاوژان	گوندێکە لە خوارووی گوندی بێژوێ لە ناوچەی ئالان بەشی سەر بە سەردەشت. بڕوانە بۆ کاژان.