#	ناو	مانا
1531	ڕابێژ	راوێژ، رامان و بیر لە کارێ کردنەوە.
1532	ڕاتوو	خێری نان و شتی دیکە کە بە فەقێ دەدرێ.
1533	ڕادان	1. ئەسپاردن بۆ سازکردن، وەکوو: (کەوام بە رادان داوە بۆم بدروون)؛ 2. وەبەرخۆدان و ماشتن؛ 3. زێدەبوون و راسانی ئاوی دەلیا لە مانگەشەودا؛ 4. دارێ کە لەباتی گۆڵە بە دەرگایەوە دەنێن؛ 5. داگیرسانی سۆپە یان سۆمپا؛ 6. گوندێکە لە دەشتی سندووسی لای نەغەدە.
1534	ڕادانە	نێوی گوندێکی کوردنشینە له لای نەغەدە، لە رۆژهەڵاتی کوردستان .
1535	ڕادێ	رەواگ دەگرێ، ، عادەت دەکا، لە چاوگی راهاتن وەرگیراوە، وەکوو: وازی لێ بێنە بۆ خۆی رادێ.
1536	ڕادە	1. دێرانە، بارست؛ 2. چلۆنەتی.
1537	ڕاز	چیرۆک، داستان.
1538	ڕازان	1. ئامادەبوون، وەکوو: ئەرێ هەر نەڕازان؛ 2. بە زاراوەی کرمانجیی واتە: خەوتن، نوستن، وەکو و: نەکە کەچێ دیا تە رازایە. واتە: مەکە کچێ دایکت خەوتووە؛ 3. حەکایەت و چیرۆک، سەرگەرمی قسە و باس، وەکوو: دانیشتوونەتە پای رازان نایبڕنەوە؛ 4. ناوچەیێکە لە 70 کیلۆمیتری شاری خوڕەماوا لە لوڕستان.
1539	ڕازاو	لە وشوی رازاوە وەرگیراوە، رازاوە، جوانکراو.
1540	ڕازدار	سووڕهەڵگر، کەسێ کە بە نهێنییەک دەزانێ و نایدرکێنێ.