#	ناو	مانا
1451	هەرشەم	گوندێکە لە ناوچەی بالیسان لە باشووری کوردستان.
1452	هەرمێ	1. هەرمۆ، هەمرۆ، میوەی هەرمێ؛ 2. سەربەندی گۆرانییەکی کوردییە.
1453	هەریر	1. پارچەی حەریر؛ 2. حەریر، ناوچە و دەشت و شارۆچکەیەکە نزیک باتاس، لە لای شەقڵاوە لە کوردستانی باشوور. حەریر و باتاس بەنێوبانگە؛ 3. سەربەند و پاشبەندی چەند گۆرانیی کوردیییە.
1454	هەرین	ئەشتێرە، هەسارە.
1455	هەزارە	1. هاتوچۆی کەروێشک لەسەر بەفر؛ 2. بەردی قیتی لێوارەی حەوز؛ 3. لێوارەی تاقی ناو دیوار؛ 4. خەوزڕان و خەیاڵاتکردنی ناو جێگە؛ 5. بیرەوەریی هەزاران ساڵەی مردن یان لە دایکبوونی ئینسانی بەنێوبانگ. وەکوو (هەزارەی سەلاحەددینی ئەیوبی)
1456	هەژبین	1. دووربین، داهاتووبین؛ 2. خاوەن ئەزموون.
1457	هەژیار	1. بەڕێز؛ 2. پێشکەوتوو؛ 3. ژیر و بەبیر.
1458	هەساران	1. کۆی هەسارە یان ئەستێرە؛ 2. کۆی هەسێڵ و گۆل؛ 3. کۆی حەوش و حەسار؛ 4. تیرەیەکی گەورە بوونە لە کورد کە بڵاوەیان کردووە و لەناو تیرەگەلی دیکەی کورددا، تواونەتەوە.
1459	هەسارە	ئەستێرە
1460	هەستار	هەستر، ئەسر، فرمێسک، ڕۆندک.