#	ناو	مانا
1	ژاژا	گیایەکە بۆنخۆش.
2	ژاژاک	ژاژکە، جاچکە، بنێشت، وێژەن.
3	ژاژڵە	1. ژاژەڵان، ژاژۆک، چیتەڵان، قامیشەڵان؛ 2. نێوی گوندێکە لەپشتی ماوەت بەرانبەر بە چیای ئالان کە رۆباری چۆمان بە نێوان ئەم گوندە و چیای ئالاندا تێدەپەڕێ و بە بەر چیای ئاسۆسدا دەڕوا و دەڕژێتە لەمپەری دووکان لە باشووری کوردستان .
4	ژالیان	ناوێکی ژنانەیە و نازانم لە چییەوە هاتووە.
5	ژاڵان	1. کۆی (ژاڵ) ە کە دەبێتە (کون)؛ 2. جێگە، وەکوو: هەنگەژاڵ واتە: جێگەی مێشەنگوێن یان هەنگ؛ 3. رۆبارێکە لە گوندی جیگەران لە هەرێمی کرماشان.
6	ژاڵانی	چیایەکە لە هەورامانی رۆژهەڵات لە ڕۆژهەڵاتی کوردستان لە نزیک چیای تەتە.
7	ژاڵە	لووڕک، روول، روولک، دارێکی هەمیشە سەوزی تاڵە، گەڵای وەک گەڵای بیی وایە بەڵام تۆزێ پانترە و گوڵی سوور و سپی دەگرێ؛ ژاڵە نێوی دوو گوندە لە ناوچەی سەنگاو و تانجەڕۆ؛ باشووری کوردستان بەتایبەت بادینان، دارژاڵەی خۆڕسکی هەیە.
8	ژاڵەسا	1. ژاڵەی بەر سێبەر؛ 2. گوندێکە لە کوردستان.
9	ژنێن	نێوی گوندێکە لە بەشی پایگەلان سەربە هەرێمی سنە.
10	ژووار	1. ژانی زۆر، ئازاری سەخت؛ 2. گوندێکە لە هەورامان لە رۆژهەڵاتی کوردستان .