#	ناو	مانا
1	ناتۆر	باخەوان، کەسێک کە قەڵەمی دار لە بێشەدا دادەچێنێ.
2	نادر	کەموێنە، دەگمەن، بێهاوتا.
3	ناران	نێوی گوندێکە لە کوردستانی بندەستی تورکیە.
4	نارە	1. گۆرانیی هێور و خۆش؛ 2. دەنگی نەرم و بەسۆز.
5	ناسیار	ناسیاو، ئاشنا، ناس.
6	ناسیکۆ	نێوی یەکێ لە تیرەکانی کوردە کە لە 881 ی زایینیدا ژیاون و دانیشتووی ناوچەی زامووا بوونە.
7	نالی	1. زراڤ، باریک؛ 2. هاوار و رۆڕۆ؛ 3. پرزەی ناو قەڵەمی قامیش؛ 4. دۆشەک؛ 5. نازنێوی شاعیری نێوداری کورد، (مەلا خدری ئەحمەدی میکائیلی) یە، کە خەڵکی گوندی (خاکوخۆڵ) شارەزوور بووە.
8	نامۆ	نائاشنا، نەشناس، نەناسراو، بیانی، بێگانە، غەریب.
9	ناوازە	1. هەڵکەفتگ؛ 2. بژاردە؛ 3. سەراسا.
10	ناوتۆ	دوو تۆی شتێک، وەکوو: ناوتۆی لێف یان ناوتۆی کۆپەڕ. بۆ نموونە: کاغەزەکە لە ناوتۆی کۆپەڕەکەدایە، تەزبێحەکە لەناوتۆی لێفەکەدا بوو!