#	ناو	مانا
1	تابان	1. تابان وشەیەکی فارسییە واتە: بریسکەدار، بەورشە، رۆشناییدەر؛ 2. هەڵاتووی مانگ، خەرمانەی مانگ؛ 3. تاسەربان، تا سەروو. ئەم وشەیە و دەیان وشەی دیکەی فارسی لەناو شیعری شاعیرە کلاسیکەکانی کورددا هاتۆتە ناو ئەدەبیات و ئاخاوتنی کوردیی یەوە.
2	تابلۆ	نووسراو یان بە قەڵەم کێشراو بۆ هەڵواسین.
3	تاتان	1. کۆی تات، بە واتای بەردی لووس و پان و درێژ بۆ نوێژ؛ 2. سەخت و هەڵەمووت.
4	تاتریک	سواپ، تابەرە، بەردی تەنک و بچووک کە منداڵ لەسەر رۆبار کایەی پێدەکەن.
5	تاجێ	تاج، کڵاوی سەری پاشایان.
6	تارا	1. سەرپۆشی سووری سەر دەم و چاوی بووک؛ 2. رۆییشت و نەگەڕایەوە. بووکی ژێر تـــارای رەنگـئەرخەوانی شۆخ و شەنگ وێنەی گوڵی بەیانی (وەلی دێوانە)
7	تاراز	نێوی کوردیی گوندێک بووە لە باکوور‌ی کوردستان کە دەوڵەتی تورک گۆڕیویە و نێوی تورکیی لە جێی داناوە.
8	تارمە	1. هەیوانی سەردانەپۆشراو؛ 2. مەعجەرەی بەرهەیوان.
9	تازیلە	وردەبڕوێش، بڕێشی ورد.
10	تاسە	مەیە، ئیشتیا، ئارەزوو، بیری کەسێ کردن.