Kurdshop – Li Gurgum a Bakurê Kurdistanê ji aliyê komeke çiyageran ve şikeftekî kevnar hate dîtin ku xwedî dîrokekî 100-120 milyon salî ye.
Koma Werzişên Xwezayî ya Gurgumê (Maraş) ya ku wek KADOS xwe daye naskirin, li taxa Tekir a Gurgumê hilkişiyan çiyayê Koyunoluk û li herêma Zozanên Ava Ardiç rastî şikeftekî hatin. Li gor nûçe di çapemeniya Tirkiyê de jî cîhgirtiye ew çiyagerane dikevin şikeftê û heta 400 metreyan jî pêşde diçin. Lê ji ber amûrên wan yên pêwîst berdest nîne paşde vedigerin û saziyên pêwendîdar agahdar dikin.
Hat ragehandin di serokatiya Berpirsê Saziya Hebûnên Xwezayî Cuma Bîlgehan de tîmeke pispor dikeve şikeftê û hin lêkolînan pêktînin. Berdevkê gruba çiyagerên KADOS Emrah Mercan ragehand, di dema lêkolîn dikirin ku li herêmê kîjan cîh hene ku mirov lê bigere rastî wê şikeftê hatine û ew kifş kirine.
Mercan ragehand, di şikeftê de zembelîlik ango şembelîlik, bizmilûk û stûnên pir balkêş hene û ji ber ku pir zêde agahiyên me yên vê derbarê de nebûn me aliyên pêwendîdar agahdar kirin û me ji wan alîkarî xwest. Herwaha me ew jî vexwandin û me lêkolîn pêkanîn. Ji bo ku Gurgum baştir bê danasîn kirin û ev şikefte jî bi wê armancê di danasîna bajar de ji bo bê bikaranîn me daxwaza alîkariyê kir.
Ji aliyê din ve serokê lêkolînên şikefta Dîreklî ya Gurgumê û serokê beşa Arkeolojiya Zanîngeha Haci Bayram Velî ya Enqerê Doç.Dr. Cevdet Merîh Erek jî ragehand, li bakur û bakurê rojavayê bajarê Gurgumê çiyayî ye û ji ber wê jî gelek şikeft û penagehên bin zinaran lê hene.
Herwaha got, li bajar hin lêkolînên ku pêkanîne gelek destkeftên bi nirx ên arkeolojik û xwezayî û şikeftên bi wî awayî destnîşan kirine.
Erek ragehand, ji cîhê çavkaniya çemê Arkitê ve ew lêkolînên ku pêkanîne aşkera kiriye gelek şikeftên kûr û dirêj destnîşan kirine û ew şikeftane xwedî raboriyekî 100 heta 120 milyon salî ne. Herwaha piştî gelek xebatên tektonik derketiye ku ew şikeftane beşekî piraniya wan dem bi dem bi hev ve hatine girêdan, an jî girêdana wan a bi hev ve qut bûye.
Navborî diyar kir, raborî û dîroka wan şikeftan em dizanin ku gelekî kevnare û ev yek ji şembelîlik û bizmilûk û stûnên mezin û dirêj jî aşkera dibe. Heta hindek şembelîlik û bizmilûk û stûn bi demê re geheştine hev û bi hev ve hatine girêdan.
