Hevnîştimanî û Kurdistaniyên hêja
Careke din axa Herêma Kurdistanê rastî êrîşên terorîstî û mûşekên Supaha Pasdaran a Komara Îslamî ya Îranê hat û mixabin hejmarek ji welatiyên sivîl hatine şehîd û birîndarkirin.
Em vê êrîşa terorîstî ku bi hênceta bêbingeh û tometa nerewa bo ser Herêma Kurdistanê hatiye kirin, şermezar dikin û xwe hevxemê malbatên qurbaniyan dizanin.
Eşkere ye ku di sedsala borî de dijminên Kurdistanê bi hemû cure çekeke serdem ve êrîşî ser ax û xelkê Kurdistanê kirine û heta ji bikaranîna çekên qedexekirî û komkuj jî xwe neparastine. Lê ya ku nehatiye tinekirin û maye û dê bimîne, xwast û îradeya azadîxwazî ya xelkê Kurdistanê bo bidestxistina mafên xwe yên rewa ye.
Bi alxahînî ve bikaranîna mûşek û dron ji bo kuştina xelkê bêtawan, nikare pêşiya vê pêla azadîxwaziyê bigire û tenê hovîtî û terorîsbûna Komara Îslamî ya Îranê ji xelkê cîhanê re îsbat dike.
Saziya KURDSHOPê
16ê Çileya 2024an
