Çapa orijînal a vê berhemê bi zaraveya soranî û bi tîpên aramî ye, ku li sala 2001an ji aliyê weşanên Dezgeha Aras, ya çap û belavkirinê li Başûrê Kurdistanê hatiye parvekirin.
Ev berhem yek ji girîngtrîn û baştrîn berhemên pirtûkxaneya Kurdî ye ku dîroka wêjeya Kurdî ji xwe digire û ji nêzî sê hezar rûpelan pêk tê. Ev pirtûk berhem û keda bi salan a Dr Marif Xeznedar e.
Saziya Zimanê Kurdî bi hevbeşî li gel Weşana Neqş, ev berhem aniye ser kurmanciya bi tîpên latînî. Ev koberhem ji 7 bergan pêk tê ku di her bergekî de, behsa qonaxeke taybet ji wêjeya kurdî kiriye:
Berga yekem ji destpêkê heta sedsala çardehem.
Berga dûyem ji sedsala çardehem heta sedsala hejdehem.
Berga sêyem nîvê yekem ê sedsala nozdehem.
Berga çarem nîvê dûyem ê sedsala nozdehem û destpêka sedsala bîstem.
Berga pêncem di navbera her dû şerên yekem û dûyem ên sedsala bîstem da.
Berga şeşem ji sala 1914an heta sala 1945an.
Berga heftem ji sala 1945 heta sala 1975an da.
Berhema "Dîroka wêjeya Kurdî" ya Dr Marif Xeznedar ji hêla van kesan hatiye wergerandin:
“Ibrahîm Şadman, Sergul Areş, Besam Mistefa, Murad Mîlan û Ronya Çalî”.
Dr Marif Xeznedar kê ye?
Navê wî Marif Ebdulqadir Marif Ehmed Axa Resûl Axayê Xeznedar e, li roja 01-11-1930 li bajarê Hewlêra Başûrê Kurdistanê ji dayik bûye. Xwendina xweaye destpêk û navendî li bajarê Hewlêrê û xwendina xwe ya amadeyî li bajarê Kerkûkê temam kiriye. Malbata Dr Marif bi esilê xwe xelkê bajarê Silêmaniyê ne, lê piştî şerê cîhanî ya yekem hatine bajarê Hewlêr ê.
Marif Xeznedar wek nivîskar û sernivîser li çendîn kovar û rojnameyan de kar kiriye û herwisa li dirêjeya temen û xebatên xwe de endamê gelek ji sendîka, rojname û saziyên taybet bûye. Dr Marif xwediyê 32 pirtûkên çapkiriye, ji giringtrîn berhemên wî yên çapkirî em dikarin amaje bi berhma "Dîroka wêjeya Kurdî" bikin, ku ji 7 bergan pêk tê.
Dr Marif Xeznedar li roja 25.10.2010 li temenê 80ê saliyê de li bajarê Hewlêrê koça dawî kiriye.
