Beşek ji endamên “Platforma Ciwanên Serbixwe” roja Yekşemî 5ê meha Mijdarê, li bajarê Amedê, li meydana “şêx seîd” çalakiyek bi navê “Sonda Jiyana bi Kurdî” li dar xistin. Wan di agahdariya xwe de îşare bi vê çendê kirin ku ev çalakî wê qonax bi qonax, bi hejmarên cuda û li bajarên cuda yên Kurdistanê bi berdewamî were lidarxistin, heta ku hemû netewa Kurd di hemû qadên jiyanê de bi zimanê xwe biaxivin.
Di beşek ji agahdariya şermezariyê de, “Platforma Ciwanên Serbixwe” derbarê armanca çalakiya xwe wisa dibêjin: “Ev çalakî bi xwe re dê jiyaneka nû derbixe holê ji bo hevalên me yên sondxwer! Çimkî piştî vê biryarê êdî jiyaneka di nava vê sîstemê da, jiyaneka bi civaka fermî re ne mimkin e! Êdî em ê dest bi avakirina jiyaneke alternatîv bikin û ev jiyana alternatîv dê bi hemû alîyên xwe ve bi rêya cureyên din ên çalakiyên şermezarî re were ragihandin bo hemû netewa me û civaka navneteweyî. Yanî em ê jiyana sîstemê ku bi ser me de hatiye sepandin bi jiyana xwe şermezar bikin, dê jiyana me ji serî heta binî de bibe çalakiyeka şermezarî, dê jiyan bibe berxwedan, dê jiyana alternatîv bibe berxwedana pasîv li dijî sîstemê!”.
Sondnameya Platforma Ciwanên Serbixwe:
Sondnameya Platforma Ciwanên Serbixwe:
Sond bi navê xwedayê Kurdistanê!
Sond bi navê xwedayê Kurdistanê!
Sond bi navê xwedayê Kurdistanê!
Ez ê ji niha û pê da li Kurdistanê di hemû qadên jiyanê de bi Kurdî biaxivim!
Ez ê ji niha û pê da li Kurdistanê di hemû qadên jiyanê de bi Kurdî biaxivim!
Ez ê ji niha û pê da li Kurdistanê di hemû qadên jiyanê de bi Kurdî biaxivim!
Heta hemû netewa Kurd di welatê xwe di hemû qadên jiyanê de bi zimanê xwe biaxive ez ê di vê têkoşîna xwe de berdewam bim, ez ê berdewam bim, ez ê berdewam bim!
