Şadî
Kurdshop – 21emîn Festîvala Çand û Xwezayê ya Mûnzûrê ya îsal dê rojên 3 – 6ê Tebaxê de bê li darxistin.
Komîteya amadekar a Festîvala Çand û Xwezayê ya Mûnzûrê bi daxuyaniyekî bernameya festîvala ku hersal tê li darxistin aşkera kir.
Daxuyaniya li şaredariya Dêrsîmê hate dayîn de dirûşma festîvalê jî wek ‘’Li dijî talankirina madenan û xwezayê em jiyanê diparêzin’’ hate ragehandin.
Şaredarê Dêrsîmê Fatîh Mehmet Maçoglu ragehand, ji bo li darxistina festîvalê serlêdanên pêwîst kirine, lê heta naha ti bersivek newergirtin, lê bawer dikin ku dê festîval bê li darxistin.
Serokê Federasyona Komeleyên Dêrsîmê (DEDEF)ê Ozkan Tacar jî diyar kir, em bang li hemû Dêrsîmî û dostên Dêrsîmiyan dikin ku beşdariyê di festîvalê de bikin.
Piştî axafitina jî bernameya festîvalê hate aşkera kirin û li gor wê bernameya hatî ragehandin:
Dê roja 3yê Tebaxê 2023yê demjimêr 13:00ê bi axaftina Şaredarê Dêrsîmê û Parlamentera Dêrsîmê Ayten Kordu ve destpê bike. Herwaha dê festîvalê de panel, pêşangehên wêneyan, konserên mûzîkjenên wek Erdal Erzîncan, Grub Yorum, Metîn – Kemal Kahraman, Ulaş Delî, Mûsa Bakî, Mengene, Hakely Feat, herwaha Koma Mûzîkê ya Kubayê jî dê konseran bidin. Derveyî wê jî dê belgefîlma li ser qirkirina Dêrsîmê ya bi navê ‘’Domane 38’’ jî bê pêşandan.
Herwaha roja 4ê Tebaxê jî dîsa dê festîval bi panel, bernameyên mûzîkê, lîstokên şanoyê, konserên hunermendan a Koma Îsyan Ateşî û hunermend Pinar Aydinlar ve berdewam bike û pêşandana kurtfîlm û belgefîlman dê çalakiyên wê rojê yên festîvalê bi dawî bibin.
Roja 5ê Tebaxê dîsa dê serdana qada madenê ya Cevîzlîder ya navçeya Pulurê bê kirin, panel, lîstokên şanoyê, konserên Gruba Vardiya û hunermendên herêmî û pêşandana fîlma ‘’Zonê Ma Koti yo’’ bi dawî bibe.
Roja dawî ango 6ê Tebaxê jî panela li Dêrsîmê hilberîn, pirsgirêkên aborî û pêşneyarên çareseriyê, bernameya Mîkrofona Serbest a Jinan û konserên hunermend; Hesen Alî, Pervîn Çakar, Yilmaz Çelîk, Grub Mûnzûr, Zeynep Bakşî, Apolas Lermî ve 21emîn Festîvala Çand û Xwezayê ya Dêrsîmê dê bi dawî bibe.
