Kurdshop – Zanîngeha Yuzuncî Yil a Wanê û Rêveberiya Enstutiya Zimanên Jiyan dikin dê sempozyûm ango civîneke zanistî li ser helbestvanê navdar ê Kurd Melayê Cizîrê birêve bibe.
Di demên dawiyê de sempozyûm ango civînên zanistî yên giring û kongre li Zanîngeha Yuzincî Yil a Wanê tên birêve birin û naha jî sempozyûmekî navnetewî dê birêve biçe.
Her sal kesayet û şexsiyetekî giring dibe mijara wan sempozyûmên li Zanîngeha Yuzincî Yil a Wanê û Rêveberiya Enstutiya Zimanên Jiyan dikin a ser bi heman zanîngehê dê sempozyûma Melayê Cizîrî birêve bibe.
Ew sempozyûm dê rojên 27 – 29ê Nîsan a 2023yê li Zanîngeha Yuzincî Yil a Wanê birêve biçe û mijara sempozyûmê helbestvanê navdar ê Kurd Melayê Cizîrî ye û dê li ser Melayê Cizîrî axaftin û xebatên akademîk ên di derbarê wî de hatine kirin dê bên aşkera kirin û nirxandin.
Herwaha ji çar aliyê Tirkiyê û Bakurê Kurdistanê beşdarvan û mêvan dê beşdar bibin, herwaha dê ji derveyî Tirkiyê jî li parçeyên din ên Kurdistanê û li welatên din jî mêvan beşdarî wê sempozyûmê bibin.
Merasîma sempozyûmê dê roja 27.04.2023yê demjimêr 09:00ê li Navenda Çandî ya Cengîz Andiç destpê bike û dê sempozyûm 2 rojan berdewam bike. Herwaha serokatiya sempozyûmê jî ji aliyê Profesor Dr. Ebdulhadî Tîmurtaş ve tê kirin û şaredariya navçeya Artemêtan a Wanê jî piştevaniyê dike.
Ji aliyê din ve jî li ser kart û nameyên vexwandina sempozyûmê jî beyta Melayê Cizîrî bi zimanê tirkî hatiye nivîsandin û kurdî û tirkî ya wê jî wekî li xwarê ye:
Ger lu’lu’ê mensûr ji nezmê tu dixwazî
Wer şi‘rê Melê bîn te bi Şîrazî çi hacet
Nazmın etrafa saçılmış incilerini görmek istersen şayet
Gel Mela’nın şiirinde gör onları Şirazî’ye ne hacet
