Şadî
Kurdshop – Girê Mirazan ango Göbeklîtepe ku di Cîhanê de weke ware niştecîhbûnê yê herî kevnar û di heman demê de bi dîroka xwe ya 12 hezar salî di Lîsta Mîrateya Çand a Cîhanî ya UNESCO’ê de cîh girt, piştî du erdhejên mezin ên navenda wan Gurgum (Mereş) a Bakurê Kurdistanê bû û 10 parêzgehên Kurdistanê û Tirkiyê û herwaha Rojavayê Kurdistanê û Sûriyê jî bandorekî mezin kir û bû sedemê mirina bi deh hezaran microvan û hilweşîna bi deh hezaran avahiyan, di wê erdheja hinde mezin de wan avahiyên girîng yên dîrokî xisar û ziyan nedîtin.
Girê Mirazan a 12 hezar salî ku weke xala dawî ya dîrokê hate destnîşan kirin û di Lîsta Mayinde ya Mîrateya Çanda Cîhanê ya UNESCO’ê de cîh girt, bû yek ji avahiyên girîng yên dîrokî ku bi 2 erdhejên mezin yên 7,7 û 7,6 pileyan ku li Gurgumê (Mereş) rû da. Herwaha bi lêkolîna ku hem ji aliyê dronên hewayî ve, hem jî ji aliyê tîmên pispor ve hatin kirin, derket holê ku avahiya dîrokî ya li taxa Orencîk a navçeya Xelîliyê ye xisar nedîtiye.
Rêvebirê Çand û Tûrîzmê yê Rihayê Aydin Aslan diyar kir, ‘’Girê Mirazan ji ber van erdhejan ti xisarek nedîtiye. Lê belê derbarê pirsa kevirên bi şiklê T da gelo ji arasteya xwe de şimitandinek heye an na? di vî milide jî me xwest bi teknîkî analîz bikin di wî milî de jî rastî ti guhertinekî cuda nehatiye.’’
Girê Mirazan ku li bajarê Riha ya Bakûrê Kurdistan bi raboriya dîrokiya xwe ya 12 hezar salî weke ‘’Xala davî ya dîrokê’’ hate destnîşan kirin, di sala 2022ê heta naha 850 hezar kes sardana deverê kir û di roja vebûnê heta naha gehîşte asta herî jor ya serdanvan û geştyaran.
