Şadî
Kurdshop – Li navçeya Gever a Colemêrgê, golên qeşayî yên Satê, wê îsal cara 5.mîn mêvandariyê ji festîvala ku wê bê li darxistin re bike.
‘’5.mîn Cîlo Fest’’ ku tê plankirin di 1 û 2’ê Tîrmehê de wê bê lidarxistin, herwaha festival dê li herêma golên qeşa yên Satê ya li çiyayên Satê ya navçeya Geverê bê li darxistin.
Beşdarvanên festîvalê, wê di bergeh û dîmenên herêmê de derfeta beşdariya çalakiyên weke Kano, bîsîklet, pereşûtên gelî, hilkişîn û flyboard’ê bi dest bixin.
Derbarê Festîvalê parêzgarê Colemêrgê Îdrîs Akbiyik diyar kir ku gelê Colemêrgê û xwezahez eleqeyekî mezin li hember festîvala ku li herêma bi bilindahiya 3 hezar û 400 metreyê de bê lidarxistin nîşan didin.
Parêzgar Akbiyik got: ‘’ Em li Çelê safariya wêneyan dikin. Festivala me ya berfê eleqeyeke mezin dibîne û balê dikşîne. Me îsal ji ber sedema erdhejê nekarî bikin. Sala derbas bûyî zêdetirî 20 hezar kes beşdar bûn. Divê nirxên li vir bikevin bin xizmeta geştiyariyê. Ji bo wan qadên giring bikevin bin xizmeta geştyariyê em hewldaneke mezin didin. Herwaha Colemêrg cîhekî gelek giring e.’’
Akbiyik got: ‘’Di festîvala me de gelek çalakiyên weke rafting, kano, bisîkletên çiya, trekking, peraşûtên gelî, hilkişîn, kaşvanî, snowboard û flyboard hene ku wê bala ciwan û heskiriyên xwezayê bikêşe. Herwaha gelek hunermendên me yên bi nirx hene dê beşdarî festîvalê bibin. Colemêrg paytexta çiyayan e. Em jî dê wan çiyayan bi awayekî herî baş binirxînin û ji geştiyariyê re bidin qezenc kirin. Colemêrg bi xwezaya xwe, dewlemendiyên xwe yên çandî û dîrokî û geştiyariya xwe ya zivistanê re, yek ji wan cihên bê hempa ye. Evana tenê bi Hîmalaya û Alpê re dikarin werin berhev. Li Colemêrgê jiyan heye werin û vê jiyanê bijîn’’
Melîh Malli jî ku bi grubeke 15 kesî re li Îzmîrê hatine Colemêrgê, dibêje: kesên ku ji xwezayê hezdikin û wêne kêşanê hez dikin teqez divê werin û bibînin. Ev der gelek xweşike. Ez cara yekem hatim û heyran mam’’.
Werzêşwanê ji Colemêrgê Mazlum Tekçe jî diyar kir ku ew ji ber ku di meha Hezîranê de jî dikarin çalakiyên zivistanê bikin, kêfxwaşin. Tekçe got, ‘’Me îro di gola cemedê de kaşvanî, hilkişîn û kano kirin. Em bi kelecan li benda roja festîvalê ne’’.
