Kurdshop – Li navçeya Cindirês a Efrîn a Rojavayê Kurdistanê şeva Newrozê ji ber pîrozbahî û pêxistina agirê Newrozê ya ji aliyê welatparêzên navçeyê ve, êrîşeke çekdarî ji aliyê çekdarên ser bi Ehrar El Şerqiye ve pêkhat û 4 kesan jiyana xwe ji dest dan.
Li navçeya Cindirês a Efrînê ya ku naha di bin dagirkeriya dewleta Tirkiyê û çekdarên opozîsyona Sûrî ya ser bi wê ve ye, şeva Newrozê êrîşeke çekdarî li hember hewldanên kurdên welatparêz ên ku dixwastin Newrozê pîroz bikin pêkhat û di encamê de 4 kurdên navçeyê di wê êrîşê de jiyana xwe ji dest dan.
Bûyer li kolana 16’an a Cindirêsê pêkhat û welatparêzên kurd ên ku dixwestin Newroza xwe pîroz bikin û li ser ban dema ku agir pêxistin gule li wan hatin rêşandin. Hat ragehandin ew 4 kurdên ku di êrîşê de jiyana xwe ji dest dane navên wan waha ye: Ferhan Osman ê 43 salî, Îsmaîl Osman ê 38 salî, Mihemed Îsmaîl Osman ê 18 salî û Mihemed Osman ê 42 salî ne.
